एक्लो छौ पनि यति छ अगम्य
बालेन ! तिम्रो एक्लोपन !
नेपालैको मुटु काठ्माडौं
सिद्ध भयो आजै पो झन् !
जे होस्, अब जाग्यो काठ्माडौं
तिम्रै अदम्य साहसले !
हुन्छ जरुर सुन हुन्छ फलाम
छोइसक्यो है पारसले !
अप्ठेराका शिरमै टेक्नु
लम्कनु हो गन्तव्य चुमी !
हामी तिम्रै पछिपछि छौँ है
अघिअघि मात्रै लाग तिमी !
बालेन–बिम्ब त छिटफुट हेर
अन्त कहीँ पनि झुल्केछन् !
फिर्नै पो अब लाग्यो क्यारे
सिंगो राष्ट्रैको शुभदिन !